بالفيديو تمارين عضلة الباي Biceps workout

من أهم التمارين المفضلة لشباب كتير هى تمرينة عضلة الباي بسبب إنها تعطي شكل جمالي ومُلفِت لكثير من الشباب وحاليًا هنزل 5 تمارين لعضلة الباي هنختار منهم 3 أو 4 أشكال في كل تمرين :-
1- تمرين تبادل بالدنبل:
– وده أهم تمرين وشبه أساسي في أي تمرينة عشان ده بيشغل عضلة الباي كلها وأهم حاجة في تمارين الباي هو ثبات الجسم أثناء التمرين.

2- تمرين بار زجزاج أو بار مستقيم بقبضة واسعة:
الفرق بين البار الزجزاج والمستقيم بتمرين البايسيبس؟
البار الزجزاج تقدر من خلاله تتحكم بجميع الزويا الداخلية أو الخارجية أو اللي بالنص التركيز بشكل أكبر على العضلة المستهدفة من البايسيبس سواء الداخلية أو الخارجية أو الوسطى.
الماسكة الضيقة بتجيب الزاوية الخارجية والماسكة الواسعة بتجيب الزاوية الداخلية والماسكة المتوسطة بتجيب الزاوية الوسطى.
البار الزجزاج للمبتدئين أفضل.
البار المستقيم له تأثيرأكبر على عضلة الباي الوسطى وتركيز عالي على الساعد ومن الأفضل التنويع بين البار الزجزاج والمستقيم.

 

3- تمرين فردي معزول بالدنبل:
– وده أهميته إنه بيدي عضلة الباي شكل أعرض أو بمعنى أصح بيعرّض عضلة الباي وبيطوّر من شكل الجزء الجانبي الخارجي من عضلة الباي.

4- تمرين فردي دانبل على جهاز الحصان:
– وده تمرين مهم جدًا وأهميته إنه بيزوّد مساحة العضلة طوليًا والتمرين ده أهم حاجة في أداءه هي الحركة السلبية يعني وأنت نازل بالدنبل تنزل ببطء عشان تستفيد بأكبر قدر من التمرينة.

 

5- تمرين الهامر أو ما يُسمى بالشاكوش:
– وده أهميته إنه بيزيد من مساحة العضلة طوليًا والتمرين ده أهم حاجة التركيز في أداء النزول والصعود بالوزن للاستفادة القصوى منه.

نبذة عن الكاتب

مقالات ذات صله

X